Jónas fór í próf í Háskólanum í Reykjavík í dag. Nú er bara að bíða eftir niðurstöðunni og ef hann nær hefur hann lokið diplomanámi í viðskiptadeild skólans með áherslu á stjórnun og starfsmannamál. Námið er 45 einingar og en viðskiptafræðin er 90 einingar. Vonandi útskrifast strákurinn með haustinu.
|
|
||
|
17. ágúst 2007
Í dag var hefðbundinn vinnudagur og enginn fundur….! Í morgun komu gömlu vinnufélagarnir í VGK-Hönnun í morgunkaffi í nýja húsnæðið. Við höfum haft gott morgunkaffi saman alla föstudaga meðan við leigðum saman í gamla Árvirkjahúsinu. Nú er stefnan að hittast áfram sitt hvorn föstudaginn á hvorum stað. í kvöld fórum við síðan út að borða með Gústaf og Unni Ósk, við fórum á Menam, alltaf jafn gott að koma þar góð þjónusta og góður matur. 16. ágúst 2007
Í dag var fundur í Bæjarráði Árborgar og er þetta síðasti fundurinn sem ég sit sem formaður bæjarráðs. Í næstu viku tekur Þorvaldur við sem formaður og hefur hann þá lokið sumarleyfi sínu, því fyrsta sem hann hefur tekið frá því hann var kjörinn í sveitarstjórn 2002. Það var löngu orðið tímabært að ég létti aðeins undir með honum þannig að hann hefði tíma til að sinna fjölskyldunni og áhugamálum sínum. 13. ágúst 2007
Ég mætti í vinnu kl. 8.00 í morgun á nýja skrifstofu. Dagurinn var þægilegur og frekar rólegur. Skrifstofan er notaleg og er hljóðvistin töluvert betri en á gamla staðnum. Umferðarhávaðinn er mikið minni sem betur fer. Ég lét skipta um gler í framhliðinni sem skiptir sköpum í hljóðeinangrun. 12. ágúst 2007
Seinnipartinn í dag fór ég á skrifstofuna til að ljúka síðustu handtökunum fyrir vinnudaginn á morgun. Hengdi upp myndir og puntaði hjá stelpunum. Skúraði yfir og þurrkaði af. 11. ágúst 2007
Í kvöld fórum við á Sléttusönginn sem er árleg hátíð hér á Selfossi. Samkór Selfoss heldur utan um þessa skemmtun fyrir sveitarfélagið. Skemmtunin fór vel fram og var fullt af fólki. Einstaklega er vel til fundið að hafa þessa skemmtun sömu helgi og Olísmótið er á íþróttavellinum. Tjaldstæðin full af fólki sem njóta stundarinnar með íbúum. Skemmtuninni lauk með flugeldasýningu. |
||
|
© 2024 Margrét Katrín Erlingsdóttir |
||
